讀經版本：羅馬字版《現代台語譯本新約聖經》，2007，台北：台灣聖經公會

進度：使徒行傳第十章

第十章第46節：In-?i in ?thia?-tio?h hiah-ê lâng kóng lêng-gú koh chheng-chàn Si?ng-tè ê úi-t?i. 內底chit-ê「kóng lêng-gú」，阮認為有小可問題。早前阮讀《巴克禮版》是譯做「in用chiah-ê腔口teh講」抑是讀《和合本》譯做「說方言」，ná像攏b?感覺有啥物奇怪。因為chit-ê詞英文是譯做「speaking in tongues」。真歹勢，阮m?-bat希臘文抑是希伯來文，m?知原文按怎寫。

咱來看佇使徒行傳第二章第4節頭一遍出現chit-ê詞，《巴克禮版》是譯做「開嘴講別樣ê腔口」，後面各所在譯做「土腔」「腔口」；《和合本》譯做「說起別國的話」，佇後面各所在攏譯做「方言」；《現代台語聖經》譯做：「kóng pa?t chióng gú-giân.」後面有譯做「?ng in ê pún-to?-o?tùi in kóng-o?」、「?ng lán ta?k ê lâng ê pún-to?-o?teh kóng-o?」；各種英文版本攏是譯做「to speak in other tongues」，而且佇後面各所在m?攏是譯做「in tongues」、「in a tongue」。是按怎《現代台語聖經》佇後面攏譯做「kóng lêng-gú」（講靈語）--咧？

咱知影，為著beh h??福音傳khah緊koh遠，聖神h??初代教會信徒三項恩賜：醫病ê能力、傳講福音ê能力kah講別國話ê口才。佇使徒行傳第二章第4節至第8節，咱看著ùi各國轉--來ê猶太人聽著使徒講出in所來ê各所在ê腔口，就大tio?h驚。咱ùi聖經b?-tàng看出chit-ê口才佇tang時、按怎變kah tio?h人來解說，致使保羅先生?倒khah希望信徒有會曉傳講福音ê能力（請參看《哥林多前書》第十四章第2節至第5節）。Chit種會講外國話ê口才ná像初代教會了後tio?h漸漸佇教會中減少，但是一直無斷。一直到二十世紀才忽然間koh興--起-來。變做有時身軀會la?k-la?k-chhoah、會大細聲喊喝、發出含糊不清、別人聽無ê話語。

咱看《現代中文》譯做「靈語」，因為「holy spirit」in譯做「聖靈」，受聖靈感動講出ê話語譯做「靈語」會通。《現代台語聖經》「holy spirit」是譯做「Sèng Sîn」（聖神），受聖神感動所講--出ê話譯做「lêng-gú」（靈語），敢b?感覺怪怪？何況阮看幾個英文聖經版本（註解1），chit幾段經文攏是譯做「in tongues」抑是「in a tongue」，無一本無一位改做「Divine Language」（靈語）。可見「in tongues」kah「Divine Language」兩個詞佇英文中應該有差別。所以，阮認為《現代台語聖經》譯做「lêng-gú」（靈語），無真適當。

Chit-ê詞，《現代台語聖經》譯做「kóng lêng-gú」（講靈語），英文譯做「speaking in tongues」，日文譯做「異言?語?」，《和合本》譯做「說方言」，現代中文譯做「講靈語」。《紅皮》雖然字句有khah長--一-絲-仔，不過阮認為譯了上好m? khah b?有爭議，《紅皮》譯做：「入神來講奇妙ê言語」。

註解：

1. 阮查過KJV（欽定版聖經）、ASV（權威標準版）、NIV（新國際版）、NSAB（新美國標準版）等五六本英文聖經。