見若讀丁窈窕 (Tēng Iáu-thiáu) ê故事，就目箍紅。佇這个言論會當自由發表，甚至有人感覺過頭ê時陣，丁窈窕 (1927-1956)，佇白色恐怖ê時代，伊因為互人講佮共產黨有關係，時稱「台灣青年民主協進會吳麗水等案」， hông 銃殺，彼時，伊才 29 歲爾爾。
（若讀丁窈窕的故事，眼眶就紅。在這個言論可以自由發表，甚至有人感覺過頭的時候，丁窈窕 (1927-1956)，在白色恐怖的時代，她因為被人說與共產黨有關連，以當時稱「台灣青年民主協進會吳麗水等案」，被槍殺，那時，她才 29 歲而已。）
這本畫冊，用台羅 lām寫ê文字表達，親像散文ê詩仝款，有媠閣精確ê台語氣口。伊是對第三人ê角度來回憶丁窈窕，這ê人就是提伊頭毛ê政治受難者郭振純先生。郭振純有機會佇監中提丁窈窕ê頭毛，後來佇郭振純欲離開台灣去瓜地馬拉進前，共頭毛埋佇這馬台南女中運動埕ê一欉金龜樹下跤，因為，伊會記得丁窈窕講過，高女ê時期是伊人生中上歡喜ê時，故事按呢。
（這本繪本，是用台羅混合寫的文字表達，就像散文的詩一樣，有美而精準的台語口氣。作者以第三人稱的角度來回憶丁窈窕，這個人就是保留她頭髮的政治受難者郭振純先生。郭振純有機會在監獄中拿到丁窈窕的頭髮，後來郭振純要離開台灣去瓜地馬拉之前，將頭髮埋在現今台南女中操場的一棵金龜樹下，因為，他仍記得丁窈窕曾說過，讀女中的時期是她人生中最快樂的時，故事大略如此。）
佇戰亂中 ê 青春夢 （戰亂中的青春夢）
佇高女是伊上歡喜ê時，因為世界真簡單，幸福 mā真簡單，彼時伊青春當美麗。彼个時嘛是1941年，日本統治台灣ê時。彼个時，查某囡仔讀冊風氣無興，總是有一寡查某囡仔去讀冊閣想欲捌寡物件。伊佇第二高女讀冊，除了傳統上屬佇女性ê課程（車衫，畫圖），閣學新ê物—地理，歷史佮數學，世界變真開闊。
（她讀女中是她最快樂的時期，因為世界很簡單，幸福也很簡單，那時她正青春美麗。那一年也是 1941 年，日本統治台灣的時期。那時候，女孩子讀書的風氣未盛，總是有些女孩去念書想要認識一些東西。她在第二女中念書，除了傳統上屬女性的課程—裁縫、畫圖，還學到新的事物—地理，歷史和數學，世界變得很開闊。）
佇學校伊捌做班長。一生攏無可能放袂記ê就是，伊ê畢業是佇無情ê炸彈攻擊中來結束，美國ê飛行器、空襲ê聲音、歹鼻ê火藥味，濫濫摻摻（lām-lām-chham-chham）成做伊ê畢業歌，佇混亂驚惶中離開學校。伊畢業後，8 月分，日本宣佈無條件投降，第二擺世界大戰結束。美好ê未來來啦。
（在學校她當選班長。一生都不可能忘記的就是，她的畢業是在無情的炸彈攻擊中結束，美國的飛機、空襲的聲音、刺鼻的火藥味，亂糟糟地變成她的畢業歌，在混亂驚惶中離開學校。她畢業後，8 月份，日本宣佈無條件投降，第二次世界大戰結束。美好的未來來啦。）
佇白色恐怖中 ê 自由夢（在白色恐怖中的自由夢）
無想著，彼个號做祖國ê政府對台灣人彈銃。一个煞接一个，一个一个頭人hông刣死。1947 年 3 月清鄉，台南ê頭人湯德章 hông 當做土匪，國民政府軍隊共伊縛tiàm卡車頂懸遊街，路尾佇市中心ê圓環共伊銃殺，koh 命令曝屍體三工袂當收屍，親目看著ê人有葉石濤、王育德，可能也有丁窈窕。軍隊對基隆上岸，沿路掃落南，台灣變作無聲無說ê島嶼。
（未想到，那個叫做祖國的政府對臺灣人開槍。一個續接一個，一個一個菁英被殺。1947 年 3 月清鄉行動中，台南的領袖湯德章被當做匪徒，國民政府軍隊把他懸掛在卡車上遊街，最後在市中心的圓環將他槍決，命令曝晒屍體三日不得收屍，親眼看到的人有葉石濤、王育德，可能包含丁窈窕。軍隊從基隆上岸，沿路向南橫掃，台灣變成無聲無息的島嶼。）
咱這馬講ê「白色恐怖」，是國家有系統性ê chhiau、掠人、殺害政治抗爭者ê行動。上起頭是法國大革命ê時，法蘭西第三共和國政府軍佮巴黎公社政權對抗，兩爿用無仝色水做代表。公社用紅—ê做代表；政府軍用白—ê來代表家己（法國波旁王朝ê徽章—「白百合」）。所以，「白色恐怖」，定定是咧講政權統治者，運用國家機器直接暴力ê手段，針對反抗現有體制ê革命hek是革新勢力，進行超越正常制度ê摧毀行為。
（我們現在稱的「白色恐怖」，是國家系統性的搜索、抓人、殺害政治抗爭者的行動。最開始是法國大革命的時候，法蘭西第三共和國政府軍與巴黎公社政權對抗，雙方各用不同顏色做代表。公社用紅色做代表；政府軍用白色的來代表自己（法國波旁王朝的徽章—「白百合」）。所以，「白色恐怖」，常常是指政權統治者，運用國家機器直接的暴力手段，針對反抗現有體制的革命或是革新勢力，進行超越正常制度的摧毀行為。）
1948年，伊去郵局上班。後來有去國語補習班，受牽連佇 1951 年去綠島管訓1年。1952 年佮方胡山先生結婚，閣因為別案，別人烏白ê誣賴，坐監閣佇 1953 年生囝。1954 年，因為 1949 年錢敬芝案牽連到「台灣青年民主協進會吳麗水等案」，ho 省務警務處共案件移交保安司令部。1955 年 1 月 12 保安司令部提起公訴，2 月 14 共案移交該部軍法處第二科，共伊分配去保安部軍法處監所內ê紩衫場工作。1955 年方胡山〈輔佐申請書〉指丁「無冒犯反教、背祖、敗家、逆親、滅道之大罪而為匪作倀」。此次「可能因當日同學少年，亂拋情感未遂，不無小人懷恨在心製造是非，造謠中傷，或含沙射影，濫供偽證，拖其落水，陷其入嫌」，懇請開釋。1956 年 7 月 2 日臺灣省保安司令部 (44) 審特字第 12 號判決書講丁窈窕佇 1949 年熱天受錢靜芝指示，邀請同事黃淑容等組織「親睦會」，意圖發展組織，並受施水環介紹與翁文禮、邱奎璧聯絡，參加集會多次，已達懲治叛亂條例第二條第一項「意圖以非法之方法顛覆政府而著手實行」程度。並於同年 7 月 24 日丁窈窕與施水環共同執行槍決。
（1948 年，她去郵局上班。後來有去國語補習班，受到牽連在 1951 年去綠島管訓 1 年。1952 年與方胡山先生結婚，又因為別案，別人隨便的誣陷，入監並在 1953 年生子。1954 年，因為 1949 年錢敬芝案牽連到「台灣青年民主協進會吳麗水等案」，被省務警務處將案件移交保安司令部。1955 年 1 月 12 日保安司令部提起公訴，2 月 14 日將案移交該部軍法處第二科，將她分配至保安部軍法處監所內的縫衣廠工作。1955 年方胡山〈輔佐申請書〉指丁「無冒犯反教、背祖、敗家、逆親、滅道之大罪而為匪作倀」。此次「可能因當日同學少年，亂拋情感未遂，不無小人懷恨在心製造是非，造謠中傷，或含沙射影，濫供偽證，拖其落水，陷其入嫌」，懇請開釋。1956 年 7 月 2 日臺灣省保安司令部 (44) 審特字第 12 號判決書判定丁窈窕在 1949 年熱天受錢靜芝指示，邀請同事黃淑容等組織「親睦會」，意圖發展組織，並受施水環介紹與翁文禮、邱奎璧聯絡，參加集會多次，已達懲治叛亂條例第二條第一項「意圖以非法之方法顛覆政府而著手實行」程度。並於同年 7 月 24 日丁窈窕與施水環共同執行槍決。）
總是受難者張常美講「銃殺攏佇半暝，4、5點鐘ê時，丁窈窕那時陣人較少了，攏用騙ê，那時喊『丁窈窕，特別接見！』，閣有她ê同學施水環，真媠那個……阮嘛驚一趒，她 iâu 袂判罪，怎樣『特別接見』？」
（只是，受難者張常美說「槍決都在半夜4、5點時，丁窈窕那陣子人比較少了，都用騙的，那時喊『丁窈窕，特別接見！』，還有她的同學施水環，很漂亮的那個……我也嚇一跳，她還沒判決，怎會『特別接見』？」）
佇彼時丁窈窕ê查某囝喝講「媽媽不是壞人，不要槍斃她」，總是老母猶是 hông 拖去刣，啥抱攏哭袂停，直到揣爸爸來，伊ê翁嘛險險起痟。青春幸福，家庭美夢攏碎糊糊。
（那時丁窈窕的女兒哭喊「媽媽不是壞人，不要槍斃她」，只是媽媽仍然被拖去殺死，誰抱都哭不停，直到找爸爸來，她的先生也差一點發瘋。青春幸福，家庭美夢都破碎。）
所有ê破碎，恐怖ê惡夢，失去ê自由，正是國家威權ê天羅地網佮暴力。佇烏暗中有一个小小ê縫，丁窈窕佇放封場留一簇頭毛佮批信互作伙鬥陣反抗政府ê朋友，共伊ê彼簇頭毛𤆬離開無自由ê世界。
（所有的破碎，恐怖的惡夢，失去的自由，正是國家威權的天羅地網和暴力。在黑暗中有一個小小的縫，丁窈窕在放封場留下一撮頭髮、寄信給在一起反抗政府的朋友，把她那撮頭髮帶離沒有自由的世界。）
彼簇頭毛後來埋佇台南女中ê金龜樹下。伊ê時鐘恬去 ah，外口ê時鐘 soah 親像走馬燈猶原轉無停。1 年，10 年，60 年，閣有人會記得 1956 年 7 月 24 ê代誌無？有人早就袂記得，有人 soah 永遠袂當放袂記。有人已經攏想袂起來ah，mā有人iah-koh 記牢牢。
（那撮頭髮後來埋在台南女中的金龜樹下。她的時鐘停下了，外面的時鐘卻仍像走馬燈般轉個不停。1 年，10 年，60 年，還有人會記得 1956 年 7 月 24 日的事情嗎？有人早就忘記，有人卻永遠無法忘記。有人已經快想不起來了，也有人依舊牢牢記得。）
人ê人生有偌長？毋知會當有偌濟夢，毋過，伊ê一世人短短，已經袂當閣眠夢。一世人若是有夠長，應該會有足濟美夢佮理想，伊ê一世人短短，袂當閣做夢ah。總是，伊上路尾閣會記得ê是美夢，是自由。到路尾伊看著ê，最後ê願望佮理想，是自由。
（人的人生有多長？不知道能夠有多少夢想，不過，她的一生短暫，已經不能再做夢。一輩子若是夠長，應會有很多美夢和理想，她的一生短暫，不能再做夢了啊。只是，她最後仍然記得的是美夢，是自由。到最後她看著的，最後的願望和理想，是自由。）
主 ê 疼催迫阮𠢕（gâu）做夢 （主的愛催逼我們要做夢）
佇這馬，甘閣愛讀伊ê故事？彼个國家ê暴力佇1987年宣佈解除戒嚴，敢毋是已經結束？無自由ê過去甘毋是已經結束？對咱解嚴後出世ê人可能無要緊，總是看著老母hông銃殺ê查某囡仔，這馬也70歲。國家造成ê創傷是一世人ê惡夢。
（現在，還需要再讀她的故事？這個國家的暴力在 1987 年宣佈解除戒嚴，不是已經結束？不自由的過去不是已經結束？對我們解嚴後出生的人可能不重要，只是看著媽媽被槍決的女兒，現也已 70 歲。國家造成的創傷是一輩子的惡夢。）
真正ê自由毋但是會當思想佮講話，閣愛有無驚惶ê心。一个社會對威權獨裁體制壓迫轉型到民主社會後，愛面對過去ê政治壓迫以及因為壓迫造成ê社會分裂和傷害。
（真正的自由不只是可以思想和講話，還要有無需懼怕的心。一個社會對威權獨裁體制壓迫轉型到民主社會後，要面對過去的政治壓迫以及因為壓迫造成的社會分裂和傷害。）
創傷袂因為無去看伊，就來消失，反轉空喙會爛，心會爛，社會會爛。創傷會扭曲人ê心，特別佇威權中，受害者ê後代，活佇失去親人ê痛苦，佮罪人後代ê侮辱中，佇社會行踏生存攏困難。
（創傷不會因為沒有去看它，就自己消失，相反的，傷口會爛，心會爛，社會會爛。創傷會扭曲人的心，特別在威權中，受害者的後代，活在失去親人的痛苦和罪人後代的羞恥中，在社會行走、生存都有困難。）
新ê民主社會愛好好處理威權體制時ê不義，因為若是選擇共過去ê不義放袂記，或是忽略，是咧表明無願意為著防止將來ê不義來負責任。通過追查真相佮歷史ê展現，一个社會提醒伊ê後代，獨裁威權對人權ê毒
害，互所有ê人得著警醒。
（新的民主社會要好好處理威權體制時的不義，如果選擇將過去的不義遺忘，或是忽略，是在表明不願意對預防將來的不義負責。通過追查真相和歷史的展現，一個社會提醒它的後代，獨裁威權對人權的毒害，讓所有的人得到警醒。）
政治迫害mā會造成族群佮人際之間ê分裂佮無信任。若是無行到賠償受害者，追究加害者，仇恨無法度消除，只有真實面對過去才有可能閣和。
（政治迫害也會造成族群和人際之間的分裂和不信任。若是沒有前進到賠償受害者、追究加害者，仇恨無法消除，只有真實面對過去才有可能再和好。）
佇面對創傷佮追求閣和ê路，願王貞文牧師所寫ê聖詩524 主基督，你ê擔阮著擔第三節共咱鼓勵。「主基督，你疼痛催迫阮，互阮通做夢，通做夢，通做夢，夢見撒種袂了工，枝葉茂盛大欉；夢見撒種袂了工，枝葉茂盛大欉」。
（在面對創傷和追求再和好的路上，願王貞文牧師所寫的聖詩 524 首「主基督，我願背重擔」第三節鼓勵我們，「主基督，的愛催促我，我們能夢想，能夢想，能夢想，夢見播種不徒勞，茁壯成長枝葉茂；夢見播種不徒勞，茁壯成長枝葉茂。」）
夢想有疼，公義，自由ê大樹，佇台灣佮通世界。
（夢想有愛，公義，自由的大樹，在台灣和全世界。）
思考提問
-
丁窈窕樹是甚麼款 ê 樹仔？伊代表甚麼意義？（丁窈窕樹是什麼樣的樹？她代表什麼意義？）
-
佇言論、思想自由ê此時，咱為啥物閣欲去看過去ê故事？（在言論、思想自由的此時，我們為什麼又要看以前的故事？）
-
主 ê 疼催迫咱做夢，你欲做啥物夢？這个屬佇你 ê 夢，欲號做啥物名？（主的愛催逼我們做夢，你要做什麼夢？這個屬於你的夢，要叫做什麼名字？）