母語是上帝賞賜咱ê文化之母，珍惜koh傳承父母話是咱一生ê光彩。

包括母語在內，任何ê語言若欲ē-tàng真熟練，就必須ài強化「聽、講、讀、寫」chit四个上基礎ê綜合應用。通常話語包含語言kap語文，只是有ê族語kan-ta有語言，iáu無發展到語文ê地步。「聽」kap「講」是口語ê訓練；「讀」kap「寫」是文字ê運用。對聽到寫，對淺到深，就ē-tàng一步一步加強語言ê使用能力。

一、聽會明白：當別人teh講話ê時，聽會知影別人teh 講ê話ê內容kap意思。

二、 講會清楚：話語是對正確ê發音所組成有意義ê聲音，所以透過講話對談ê方式ē-tàng訓練講話閣較清楚。

三、 讀會正確：先學會曉唸讀，了後ē-tàng看有文字內容就變成做是閱讀。

四、寫會流利：有ê語言文字系統真複雜，親像是漢字，若無經過久長時間ê教育訓練，就學bōe好勢，也寫bōe好勢。總是拼音ê字chit款ê優點就是有音就有字，

好學閣好寫，是較有效率ê文字標記法。書寫文字，ē-tàng 訓練家己提升語言kap語文ê活用。

母語需要chia̍p「聽、講、讀、寫」，當咱chia̍p用chiah 會進步koh活用，而且會帶動大家重視母語kap使用母語ê風氣。大家加油。