雙連教會西羅亞合唱團成立已經20年，每拜一 kap 拜五 ê 早起10點到12點，團員放落按摩工作來教會練唱。In 先背點字譜，koh 再背點字歌詞，然後合做伙來練唱。二十年來，in 四界用詩歌見證上帝 ê 疼，感動 chiok-ch? 人。

幾 n? 百條ê歌譜 kap 歌詞記 tiâu t?in ê 頭殼內，無指揮 koh 無樂譜，鋼琴伴奏就是 in ê 指揮。受國內外邀請去詩歌見證，超過一千場次，「西羅亞」就是「奉差遣」ê 意思，團員無嫌艱苦，因為 in 心內充滿上帝 ê 疼，in 所見證-- ê 是約翰福音第九章3節──耶穌應講：「Chit-ê 人無犯罪，伊 ê 父母 m? 無，是 beh 通過伊來顯明上帝 ê 作為。」（現代台語譯本）。

以前點字歌詞需要義工來報讀，chit  種義工jú來  jú oh chho?，我就架設思羅安信望愛網站（ http://sloan.fhl.net），k? 台語聖經 kap 台語聖詩歌詞上網，h? in 方便下載來印點字週報。

感謝台語聖詩即時伴奏創作人李瑞雄長老，提供所有台語新舊版聖詩ê伴奏 mp3 檔案，網站頂面聖詩每一首有台語點字歌詞加伴奏。我就緊去雙連教會盲人幹事許梅芳 ê 辦公室報伊 chit-ê 消息，伊歡喜 kah 隨上網講：「咱來唱275首，我 si?ng 愛唱 至好朋友就是耶穌 lah。」 阮做伙 k? chit 首 ùi 頭到尾唱完，她笑 bún-bún 講：「真好 s?g！『好好玩』oh！」這是我一生 si?ng 歡喜 ê 時刻，我深深體會-- tioh ：「疼就是t?別人 ê 需要上，看 tioh 家己 ê 責任。」