帳戶管理
 
講道分享
詩歌分享
研經網站
經課表
新眼光讀經
一領一.新倍加
 
林牧師專欄
信仰專欄:
鄉土關懷
姐妹開步走
原知原味
教會人物誌
青年青不輕
信仰與生活
講道稿
出版品與雜誌:
女宣雜誌
新使者雜誌
站內文章搜尋
推文:Facebook Facebook Facebook
 
出版品 > 新使者雜誌 > 第85期 說得多還是做得多?
字級調整:

交流站
主日學應該恢復母語教學
關鍵字:
作者/李勤岸 (國立台灣師範大學台灣文化及語言文學研究所教授)
語言的使用無從選擇?
  T? chia 講e主日學是指兒童主日學,嘛kan-na beh 討論長老教會e主日學。

  歷史上看起來,教會e主日學是toe學校e語言教育teh行。不過,是攏toe t? 足後壁,? 是toe tiau-tiau。比如講當學校已經teh使用華語(所謂國語)ah,主日學猶teh教白話字,用母語(Holo話、客話、原住民話)教學。現此時,學校已經開始teh推行母語教學ah,主日學猶teh用華語教學。到底主日學e語言使用比學校e語言使用慢偌久,無做真精確e調查,無真瞭解,不過,我推測可能慢leh二、三十冬左右。換句話講,主日學t?語言選擇上真保守,算是後知後覺。咱照按呢ka推測,主日學若beh恢復母語教學可能ai koh經過二、三十冬。到彼陣,嘛免恢復母語教學ah,因為到時母語已經死beh了ah。

  為甚麼主日學beh選擇華語作教學語言?真簡單,主日學目的只要是h3 囡仔認bat上帝,? 是beh來作母語教學e,嘛?是beh作文化傳播e。所以,使用囡仔聽有koh會曉講e語言理所當然。主日學並無選擇語言,是囡仔e 語言去決定主日學e語言使用。這參教會作禮拜e語言選擇真相像。因為現此時作禮拜e人大多數猶是以年長者為主,in是慣習母語e人口,所以禮拜猶是用母語。以此推論,年長人口凋零以後,主日學華語人口e這代會替代頂一代成作教會e主要成分,按呢長老教會自然而然變作華語教會。

咱著用母語傳福音
  台語禮拜e教會t?北美洲變作華語教會e例真濟。有台福教會,嘛有長老教會。我bat去美南e一間教會講演,參加in e禮拜,牧師是一個長老教會e 牧師,伊用台灣腔足重e「台灣國語」講道,家己嘛感覺真無自在,但是無法度,因為教會有幾個中國來e kap一個東南亞來e會友,in聽無台語,「咱? 通h3語言成作傳播福音e 障礙!」,這是一句非常有說服力e話。 真歹ka伊反駁,畢竟傳福音是教會e基本原則。不過,假使這句話若成作教會語言使用e指導原則,咱e教會一定陸續淪陷,一間一間成作華語教會,以後甚至成作英語教會。T?北美洲,嘛有可能有講英語e人會來咱教會,咱是?是嘛應該改用英語作禮拜?其實,第二代e 囡仔大多數kan-na 會曉英語,以後無改用英語嘛無可能。按呢,台語教會自然而然t?北美洲會變作英語教會,t?台灣會變作華語教會。這個地球,以後就無台語教會。

  這敢是上帝e旨意?上帝敢希望人類用一個語言崇拜伊?咱按呢做,雖然「無h3語言成作傳播福音e障礙」,但是是? 是已經障礙咱e母語去傳播福音?耶穌ka伊e門徒講去普天下傳福音,是叫in用各國e母語傳福音,抑是用希伯來語傳福音?咱相信?是叫in用in家己e語言希伯來語去傳,因為若按呢,咱chit-mai t?教會應該攏teh講希伯來語。初代教會以及後來各教派去到任何所在傳教,攏是學習當地e語言,用當地e語言傳福音,翻譯《聖經》。長老教會早期e傳教士攏嘛遵照這個原則,巴克禮翻譯《聖經》是根據這個原則,甘為霖編字典是根據這個原則,馬偕設教會嘛是根據這個原則。

  這個原則就是上帝ai咱用咱e母語傳福音,用普天下各種無仝e母語傳仝一個福音,? 是用仝一個語言傳各種無仝e福音。聽無當地e 母語,?是當地e語言ai去遷就伊,去講伊聽有e語言,是伊應當來學當地e母語。會友準講無beh學當地e 語言,嘛會tang用同步翻譯e方式h3 in聽有。

教會應恢復母語教學
  人類e語言一直teh死亡中,死亡e速度真緊。現此時世界約有六千個語言,語言學家警告講若無去保護弱勢語言,t?這個世紀末,就會死到chhun 一半。台灣現此時有十四個語言,聯合國教科文組織警告咱講,台灣人若無beh去保護弱勢語言,koh 無偌久,就會全部liam-mi消失,chhun華語留落來。
  人類需要保留愈濟語言,保留愈濟文化,h3世界愈多元愈繽紛美麗,相信這是合上帝所意愛e,若無,上帝be h3人類有chiah 濟人種,h3人類chiah濟語言,be h3傳教士用各地e 母語傳教,be h3各種語言有伊家己e《聖經》。

  台灣人有責任為人類保存咱當地e語言文化,長老教會嘛有義務維持使用當地e母語傳教。Beh會tang h3教會繼續使用母語傳教,ai ui兒童主日學做起。長老教會應該恢復主日學e白話字教學,恢復母語作兒童主日學e教學語言。

  若無,咱攏來等待長老教會變作華語教會,變作英語教會。
同作者相關文章:
主日學應該恢復母語教學 (第 85 期)

原文來自 http://newmsgr.pct.org.tw/magazine.aspx新使者雜誌 第 85 期 說得多還是做得多? (65-66頁)
新使者雜誌 The New Messenger  85期  2004年  12月 說得多還是做得多? 85
本期主題:說得多還是做得多?
發行日期:2004/12/10
 
推文:Facebook Facebook Facebook
轉寄給好友分享
 
轉寄文章給好友
寄件人:   Email:    
收件人Eamil:    
分享的話:
 
個人閱讀心得分享
編者的話
目錄s/
長老教會一四○週年系列建言
看!長老教會──對「社會關懷」的批判性反省
顏色之外——展望2004年後的長老教會政教關係
眼高手低——從教勢統計看宣教策略與行動力的落差
沒有執行力,就沒有宣教力
堅持傳福音是唯一職責——郭馬西牧師小傳
全新世界即將來臨?
以「道成肉身」的信仰看藝術的情境化
佳里教會的外籍新娘輔導班
禁食與經濟公義
當愛情披上謊言的糖衣
不要讓我們的信仰顯出基督徒狹隘的胸襟
瞳人中的真光——一個難忘的聖誕節
坎坷求學路
我願緊跟我主——大衛牙科蘇嘉俊醫師
公民社會的提倡
主日學應該恢復母語教學
青春不留白
那年,我參加SEP……
上帝所賜的禮物
尋見靈魂裡的荒漠之地——青年門徒靈修營後的深思與反省
 
台灣基督長老教會總會 使用條款隱私權條款 聯絡我們


10647 台北市羅斯福路三段269巷3號 電話:02-23625282 Copyright © 2006- www.pct.org.tw All Rights Reserved.

powered by ICPCT. 台灣基督長老教會總會資訊中心 建置維護