台灣大學外文系kap語言學研究所退休ê張裕宏教授khai七冬所編ê《TJ台語白話小詞典》最近由台南「亞細亞國際傳播社」出版。Che是自1913年甘為霖牧師t?台南出版《廈門音新字典》以來，白話字台語詞典ê上新突破！

甘為霖牧師ê《廈門音新字典》是目前教會內底上普遍使用ê字典，這本字典t? 2009年四--月由台灣教會公報社重新出版koh號新名《甘為霖台語字典》(簡稱甘字典)。張裕宏教授所編ê《TJ台語白話小詞典》(簡稱TJ詞典)?-sái講有甘字典ê優點koh k?甘字典ê欠點改善。TJ詞典收錄ê語詞以現代白話為主(大約兩萬詞)，照羅馬字順序編排，附詞類kap例句，koh有中文解釋，是一本現代、科學koh專業ê台語工具冊。TJ詞典kap甘字典仝款是pocket size，方便人chah來chah去。愛用甘字典ê人應該m?會kah意TJ詞典。

詞典編寫者張裕宏教授是美國Cornell(康乃爾)大學語言學博士，輔修東南亞研究，bat擔任美國Princeton大學研究員kap新加坡大學講師，路尾t?台灣大學外文系kap語言所做教授到退休。伊ê教學範圍涵蓋語言學（包括台語語言學）、一般文字學kap中世紀英國文學。40外年來，伊全力投入台語研究kap相關議題（包括台語運動），koh從事詩歌kap散文ê創作。2005年台灣羅馬字協會出版ê《阿鳳姨ê五度空間》(用白話字書寫)就是張裕宏教授用心思為台灣囡仔寫ê韻文故事集。

台語白話字對19世紀尾、20世紀初ê台灣教育有真大ê幫贊，m?開創比中國五四白話文運動koh-khah早ê台灣白話文運動。長老教會是創造這寡歷史ê重要開基祖之一。可惜這幾年來長老教會soah ta?uh-ta?uh-á接受「 國語政策」ê後果，無koh重視白話字kap台語文ê教育。顛倒是非宗教團體──像講台灣羅馬字協會、李江?台語文教基金會、亞細亞國際傳播社等teh推廣台語羅馬字。這個現象是好是bái，值得咱來思考。

關係這本冊 khah濟ê紹介，請參考新冊記者會記錄：( http://www.peopo.org/portal.php?op=viewPost&articleId=43594 )。

歡迎報名查台語詞典比賽

成功大學台灣語文測驗中心2010年1月23日beh主辦第一屆查台語詞典比賽，合辦單位包括：台南市立圖書館、台灣羅馬字協會kap台灣教會公報社，贊助單位是亞細亞國際傳播社。活動目的：鼓勵大眾使用台語工具書，thang復興台語文化kap發展用台語書寫ê台灣文學。報名時間：2009年12月初一到12月31為止，一律網路報名，無接受現場報名。比賽地點：台南市立圖書館。比賽用冊：《TJ台語白話小詞典》，本冊採用傳統羅馬字(白話字)編寫，請參賽者自備。獎項有巴克禮獎、甘為霖獎、王育德獎、教會公報獎、海翁獎kap參加獎等等。Beh參加--者請上活動網址http://ctlt.twl.ncku.edu.tw/tj報名，若有任何問題會得聯絡06-238-7539陳小姐。