母語影音入口

若講起神研班

若講起神研班，頭一ê想法是啥？可能是自由兼安全ê討論氣氛，抑是四序（sù-sī）自在ê讀經環境、多元豐富ê專講和Workshop。在你享用ê四秀仔（sì-siù-á）閣較是予人懷念。毋過，是按怎講「懷念」咧？自2019年寒--人，佇埔里謝緯紀念營地舉辦第56屆神研班了後，受著瘟疫ê影響，已經兩冬無順利開展矣。

困境中展現神研精神

講起來，我大學時ê神研班經驗實在坎坎坷坷！頭擺參與時，因為腸病毒提早結束；過了一年閣再報名參加，總算是圓滿，也佇這年被選做第57屆神研班ê學生籌備委員，卻閣一pái因為疫病ê關係來停止；接續ê世界，就摔落無窮無盡ê瘟疫深淵。

雖然可惜，總是神研班精神𣍐因為按呢就消失。彼擺因為腸病毒中止ê55屆神研班，佇逐家四散了後，真濟團契抑是小組繼續研讀佮討論，彼pha渴慕真理ê火無hoa去，顛倒遍滿佇台灣逐所在。後來ê武漢肺炎嘛是仝款，每一ê團契、每一ê小組、每一ê仰望上帝ê話ê人，猶原咧揣求，用無仝款ê方式。

咱看見，佇這款困境下底，彼句tiāⁿ-tiāⁿ予長青團契掠做中心ê話「咱聚集，是為著四散。」佇遮來實現，這款自發性ê讀經運動散到四界，成做一種對下底chhèng高到頂頭ê底層力量；這是大專神研班ê初心，也是長青精神展現ê一種面貌。

★訂購入口：新使者雜誌第181期★

瘟疫中ê恩典

佇世紀大瘟疫下底，萬般受著影響，通講無有啥物無遭遇窘逐，總是上帝ê光無予烏暗遮khàm，顛倒透過每一ê猶咧揣求伊、仰望伊ê人發出光明，也佇這ê驚惶充滿ê時代，咱重新思考人佮人ê關係、人佮上帝ê關係——檢采這也是一種恩典吧！瘟疫中ê恩典。

 ★電子書訂購入口：新使者雜誌第181期★