母語影音入口

★文字事工需要支持★1.刷卡掃QR碼 2.收到簡訊後點進→回報表←填寫資料

形體萬千ê雲

好天好時，清彩ê藍天蔭白雲，一蕊一蕊，形體萬千。

坐佇家己ê擔仔後壁瞌目小歇ê伊，聽著幾若个囡仔咧嬉嬉嘩嘩，一个講天頂ê雲親像豹，一个講明明就較成野狼；一个講彼个雲若布丁狗，一个講彼蕊雲袂輸巷仔尾彼間丼飯屋ê火山丼飯……。

伊攑頭，日頭光小可仔鑿目，伊目睭微微，看彼陣囡仔咧看ê雲。

彼蕊雲若像in兜ê烏毛番犬，彼隻烏狗兄看起來威風凜凜，煞定定做一寡戇代誌，為in兜提供袂少笑詼。

啊，彼蕊雲足成細漢時ê小妹，彼陣小妹逐工一爿縛一條頭鬃尾，隨動作變化幌來回。

彼爿彼个頭仔尖尖ê雲，嘛予伊想起廟口賣ê礤冰，lâm烏糖、摻配料，好食閣心涼脾土開。

喔，閣有倒手爿ê雲，看起來有夠成阿爸阿母ê背影……。

★訂購入口：新使者雜誌第181期★

所想就是所看

天頂飄雲隨風浪，隨風變。

想無是人看啥攏像心內所想，猶是雲有影像遐ê人物來惹思念。

★電子書訂購入口：新使者雜誌第181期★