馮喜秀e客語創作及親筆手稿

馮喜秀（1940～2019年）一生人e成長、活動大體都在（chhai）屏東縣境e六堆客庄。1940年yì（伊）在麟洛Kang-é（徑仔，今「田道村」）e農家出生。細人é時節yì讀麟洛國校，接續就讀隔壁庄e長治中學，以及潮州中學。屏東師範畢業以後yì sṳt在屏東縣六間小學教書，共36年久，直到1997年nang（才）退休，2019年在屏東市過身。

還細馮喜秀就熱愛文學，ko因頭路e緣故，做得長年親近細人仔，加上yì自家（chhit-kâ）盡愛細人仔，故所一路里來yì從事兒童文學ê創作，發表盡多篇童詩、童話同（thùng）兒童劇本。到今yì sṳt出版e九本著作me全部和兒童文學相關，包含三本客話–e。2006年yì領洗成做基督徒以後，又加添信仰元素在創作中。

頭擺，鄉下看重家族同祖先源流e客人（Hak-ngìn）排斥「雞啄教」（kiê-tuk教）。總係，馮喜秀信仰e chúng-chṳ́（種子）chhṳ-se（自細）就委落在yì e心田lé。Ke時節在yì e屋下e隔壁路項有起一間教堂，一位外國女宣教師he̍t（住）在ke位，對細人é真慈愛，致到馮喜秀pûn教會siâng去，無顧爺ôi（爸母）反對，利用掌牛e機會去教會讀聖經、唱聖詩，káu-liau、分糖餅、做禮拜。讀初二ke時節yì過再同一位同學共下去讀台中聖經函授班，可惜sa下來無ko親近教會，oi等到yì退休以後，nang重新追尋信仰。2006年yì在屏東市信義會領洗。

大約同時期馮喜秀對傳承客家文化產生使命感，開始用chhit-kâ e â-mê-fa創作。2007年過後，yì ko去Van-màn（萬巒）長老教會參加客話禮拜，故所yì e客話作品有teû在萬巒教會e週報發表，有teû刊登在《六堆雜誌》、《六堆風雲》。2012年yì收集領洗以後khî在信仰e立場，用客話所寫e現代詩、故事同祈禱文，影印做一本書，安到《天弓出來》，借chho̍k舊約中人類同上帝過再和好，憑天弓（虹）為證，重新立約e故事，來比喻上帝溫柔e恩典。這本書交織「母語、信仰、文學」，係現今難得e基督教客話文集。〈聽白頭翁和音〉這首詩顯現重疊、比喻、擬聲、擬人法等童詩e常用筆法同語氣，描述做禮拜喜樂e心情，ko包含一个「劇情」。開頭係：

ㄐㄧ ㄍㄨ ㄐㄧ ㄍㄨ ㄌ一
萬巒教堂尖頂項 白頭翁在唱歌
ㄐㄧ ㄍㄨ ㄐㄧ ㄍㄨ ㄌ一
對面大樓避雷針頂項 白頭翁在唱歌
ㄐㄧ ㄍㄨ ㄐㄧ ㄍㄨ ㄌ一
後壁學校老榕樹頂項 白頭翁在唱歌
ㄐㄧ ㄍㄨ ㄐㄧ ㄍㄨ ㄌ一
隔壁一枝電信柱仔頂項 白頭翁在唱歌
每禮拜日 伊等組合和音天使

因為雲同風走the̍t kiak（遽），sa無聽tó白頭翁唱歌，故所以yì-tên「再約好下禮拜日大家用情个唱 喜樂个唱」，用ko來聚會e約束做結尾，充滿開放性同期待。

總係，基督徒me會堵tó各種考驗，親像病痛。2009年10月馮喜秀破病入院，頭先懷疑係肺癌抑係肺癆，後來確診係肺發炎，pûn yì有跌落絕境ko得救e體驗，〈眠在病床望十字架〉án-nê寫：

係愛隔開个病
基督教醫院五七三病房
像一隻生命个鳥仔侷在這
眠在病床望十字架 金亮个光環同ngài（我）講
該係照耀世人个光 該係保守ngài-tên个力
……
一個禮拜後
該胸腔个天空開陽還生咧
該隻生命个鳥還生咧

中年以後，馮喜秀還面對嚴重e財產損失，甚至行m̀出憂鬱症，在詩句底肚告白心肝肚e重擔。

〈N̂gài个祈禱〉án-nê寫：

「主啊！求你分ngài添放het屎窟背尾个事；求你分ngài煞猛面前行个道路；求你教ngài添放het過去贏个得意光榮……添放het過去个失意失敗受辱受痛。」

在〈求聖靈賜恩〉這首，yì寫tó：

「上主啊！求你賜聖靈个光照ngài-tên，使ngài-tên在日常生活中日日愛新，項項看開，毋再有自殺念頭。」

通過信仰，yì活下來，me明瞭苦痛成做人生个一種光景，體現另類哲理，也顯明上帝e恩典，〈無烏影个人間〉án-nê寫：

最後死het同最初出世共樣
都係人間个燒暖光陰
最後臨暗同最初朝晨共樣
都係人間个日頭光華

馮喜秀用yì e â-mê-fa筆耕，為著客話e基督教文學tá-theù-chhṳn（打頭陣），這係yì留pûn台灣盡chiâng e禮物，me係koi寶貴e遺產，值得ngài-tên多加保惜同探討。

（本文以客語南部四縣腔書寫，承蒙客家牧師林暢有、客家姊妹邱淑華指正）

文章與圖片來源：台灣教會公報第3651期

相片提供：作者