帳戶管理
 
講道分享
研經網站
經課表
新眼光讀經
一領一.新倍加
 
林牧師專欄
信仰專欄:
鄉土關懷
姐妹開步走
原知原味
教會人物誌
青年青不輕
信仰與生活
講道稿
出版品與雜誌:
女宣雜誌
新使者雜誌
站內文章搜尋
信仰專欄 > 鮮知啟示
推文:Facebook Facebook Facebook
   
點閱次數:38
字級調整:
上一則 | 下一則
《傑克和豌豆》神學反省
作者 / 王美書

傑克是一個少年人,他無老爸,他和老母做伙住,厝內唯一 ê 經濟來源是一隻出產牛奶 ê 牛。有一天,這隻牛已經老到無法度生產牛奶賺錢,他 ê 老母就叫傑克 kā 牛牽去市場賣。佇市場裡面,傑克遇到一位欲用「神奇豆子」交換牛 ê 人,傑克答應了。轉到厝,傑克 ê 老母發現傑克一先錢攏沒賺到,只換來幾粒無路用 ê 豆子,非常受氣,將豆子攏丟到外口,命令傑克去睏。

一暝中間,神奇 ê 豆子生長。傑克沿藤爬去,進入一個天上 ê 世界,闖入大漢人住 ê 厝和城堡。大漢人轉到厝,他發現了厝裡有「人味」,不過他沒發現傑克。直到大漢人睏去了後,傑克偷提一袋 ê 錢,照原路離開。了後,傑克又「拜訪」巨人 ê 厝兩擺,分別提走一隻會生金蛋 ê 雞,及一個會自動彈奏 ê 豎琴。

但是,佇傑克欲提豎琴離開之時,豎琴出聲,將大漢人叫精神。大漢人緊緊追趕傑克,傑克轉到地面,緊叫老母拿斧頭將豆藤斬斷,互大漢人跌落,死去。傑克和老母就用從大漢人 hia 得到 ê 財寶,過著幸福 ê 日子。

■Tī 絕望中追求 ǹg 望

Hō͘ 傑克和他 ê 母親免於餓死 ê 牛已經老到無法生產牛乳。這款嚴重 ê 情況下,傑克去市場販賣 in 兜唯一 ê 財產──這隻沒奶 ê 奶牛。總是這隻牛無法賣到太好 ê 價錢。傑克決定冒險,用這隻牛交換神奇 ê 豆子。傑克 ê 老母認為他憨。傑克沒換到錢、沒換到食物,也沒得到老母 ê 肯定。

傑克開費一切只為得著盼望。他知曉錢和食物只是暫時 ê,他需要 ê 不只這些。為什麼傑克會知影這,又會違反老母 ê 指示?因為市場是草根 ê 群眾相遇、互相學習 ê 所在。當傑克看到不同 ê 人用各種不同 ê 方式生活,聽到不同款 ê 生存策略,傑克就開始對他自己 ê 困境中行出。傑克頓悟,知影人佇做什麼、怎樣度活。傑克不只意識到生活 ê 現實,甚至 ōe-tàng 想像一個不同 ê 未來。當傑克猶不知神奇 ê 豆子會如何怎樣改變他 ê 不幸,傑克就已經得到氣力,佇無盼望 ê 中間找尋盼望。傑克為著未知 ê 盼望,開費一切。找尋盼望是一趟冒險 ê 旅程。

■盼望 ê 旅途充滿危險

神奇 ê 豆子一個暗暝就生長大叢,非常高大,直上雲霄。雲霄之上有城堡,城堡中住著大漢人。這個大漢人免工作,卻生活奢侈,以吃人為快樂。

誰是大漢人?這個大漢人是擁有生產工具 ê 菁英、是世界上剝削勞工 ê 許多大企業、是建立社會壓迫結構 ê 政治人物、是以虛假 ê 救贖保證來鼓勵人乖乖忍受苦難 ê 宗教領袖。

可是,傑克展開他 ê 冒險,豌豆藤是通往擁有絕對權力 ê 大漢人 ê 道路。傑克,身為一名年輕又喪鄉 ê 少年,除了希望和勇氣以外,他什麼都沒。豌豆藤 ê 道路超過他 ê 預料,引領他面對生死 ê 奮鬥。但是傑克向前邁進。

■持續奮鬥:為著希望和魔性 ê 權力

故事中,傑克漸漸取得權力。傑克提走金錢後,知影錢真快就會用完。接落來,傑克拿走會生金蛋 ê 雞母,也就是生產工具。第三擺,傑克拿走會自動彈唱 ê 豎琴。豎琴 ê 音樂將大漢人叫醒,沿著豌豆藤追逐傑克。傑克和他 ê 老母合作將豌豆藤砍斷,大漢人跌死。這一連串 ê 事件展現出盼望如何啟發受壓迫 ê 人民去為自己奮鬥。這個奮鬥過程也是個人和群體爭取自由解放 ê 方法。

一開始,傑克偷錢。這件事 ê 成功加深了他對權力濫用 ê 察覺,只拿到錢是不夠 ê。接續,他將生產工具拿走。總是,猶原不夠。豎琴才是大漢人用來建立意識形態 ê 手段。豎琴象徵媒體,是藝術、電影、歌謠、祭典、歷史、故事、神話等等用來建立人 ê 意識和身分認同 ê 方法。傑克知影他必須奪取豎琴,如此才能重構新 ê 意識形態,佇新 ê 社會中塑造平等。

傑克 ê 奮鬥需要他人 ê 參與──他 ê 母親。故事中最特出 ê 部分是 in 挫斷豌豆藤並殺死大漢人。這就表示傑克 kah 他 ê 母親不但毀壞了大漢人壓迫草根群眾 ê 手段,而且也同時廢除 in 成作大漢人 ê 途徑。佇某種程度上,in 改變了原有 ê 權力結構。

故事 ê 結局,傑克和他 ê 母親倚靠傑克得到 ê 物件過快樂 ê 日子。這個結局為新 ê「大漢人」誕生埋下伏筆──因為傑克和他 ê 母親有大量 ê 財物。

這款 ê 試探和耶穌遇到 ê 相類似。魔性權力 ê 試探伴隨耶穌一生,從祂使命 ê 起頭到於十字架上結束。耶穌 ê 使命是上帝國,上帝國引領祂 ê 心和行動。耶穌面對 ê 試探是以權力來建立上帝國,但是耶穌拒絕成作政治、經濟和宗教系統 ê 一部分。祂選擇和被社會撇棄 ê 男男女女站做伙。祂四界旅行也四界停留,從曠野、村莊到市場。耶穌和邊緣人同在,分享上帝國 ê 異象,佇每個醫治行動和用餐中彰顯祂 ê 臨在。

■對照台灣

我將自己 ê 台灣處境、傑克 ê 旅程和耶穌 kah 受壓迫者站做伙攏總納入來思考。外來 ê 統治者一個又一個來到台灣,這些統治者運用既存 ê 權力結構、支持性 ê 意識形態,想要確保穩定 ê 統治,壓迫著台灣人民。1980 到1990 年代,台灣有真多異議分子倡議台灣 ê 獨立和人權,台灣基督長老教會也根據道成肉體 ê 耶穌和上帝國 ê 教導,參與其中。那段日子,台灣人民從中國國民黨 ê 獨裁統治中,漸漸取得資產和生產工具。

不過,獨裁統治 ê 外衣雖然從大漢人身上脫下,但是,受威權宰制 ê 心靈,仍然享受並服從大漢人透過豎琴演奏所建構 ê 樂曲。傑克雖拿著豎琴,但豎琴猶原彈奏著壓迫、宰制、禁錮人民 ê 旋律。

傑克也好,台灣人民也罷,沒從被壓迫 ê 歷史、生命經驗中,選擇走一條新生 ê 路;卻反而不斷地複製大漢人以大吃小、恃強凌弱 ê 生存方式。

當傑克 ê 財富愈來愈多,他並沒慷慨分享互別人,反轉愈來愈像那個互他消滅 ê 大漢人 ê 樣式和思維。這個傑克就是台灣人民,他那個受黨國媒體塑造 ê 心靈,猶企求權威 ê 統治,思念起一言堂 ê 秩序。無愛獨立思考,無愛聽多元意見,無愛回應差異……。除了經濟,什麼都無愛。

這個極端 ê 願望,來自除了經濟,我什麼都不敢要 ê 心靈 ê 歷史經驗。這個期盼,其實是充滿卑微又悲哀。國家暴力帶來 ê 驚惶、恐怖、創傷,代代相傳。透過權威「給答案」、自己免思考 ê 順從,是最好──不得不 ê 生存方式。

大漢人倒落去,戒嚴時代結束了。後解嚴時代親像開始,總是,傑克心中 ê 大漢人猶 koh 站 teh,傑克 ê 心靈還停留佇戒嚴 ê 時空中。

當傑克開始有力量,當傑克開始握著豎琴,他複製了大漢人使用力量 ê 方式。他沒互豎琴唱一首新 ê 歌。所以,有力量 ê 傑克,開始欺負沒力量 ê 傑克;有豎琴 ê 傑克,開始演奏旋律互被欺負 ê 傑克聽;有生產工具 ê 傑克,開始為自己搭起天上 ê 城堡,互沒生產工具 ê 傑克落入要變賣自己、連棲身之處都沒 ê 窮苦。

傑克和豌豆 ê 故事,佇台灣繼續上演。台灣基督長老教會,又是哪一個傑克?咱手中 ê 豎琴,演奏 ê 旋律是耶穌基督 ê 愛嗎?是 kah 最弱勢、最喪鄉、最受輕視 ê 傑克做伙,還是咱已經不知不覺成作大漢人卻無所覺?

這時,耶穌會把豌豆遞互誰?

文章與圖片出處:<台灣教會公報>第3494期,https://tcnn.org.tw/archives/48924

圖片擷取日:2019.04.24


資料提供單位:台灣教會公報社
上一則 | 下一則

 
推文:Facebook Facebook Facebook
轉寄給好友分享
 
轉寄文章給好友
寄件人:   Email:    
收件人Eamil:    
分享的話:
 
個人閱讀心得分享
--無資料--
   鄉土關懷
 
媽祖說?上帝說?你說我說!
從故鄉的詮釋建立未來世代
翻轉老化的新價值
 
   姐妹開步走
 
飄洋過海異鄉情
謝謝妳陪伴我的父母
我們真的要跟她們說謝謝!
 
   原知原味
 
經驗信仰團體的生活
收刀入鞘吧!
原音傳唱,在靈裡與古老智慧相連
 
   教會人物誌
 
咸錫憲
淡水教會重光幼稚園和老師們
我的性命獻互祢
 
   青年青不輕
 
你與人的關係,揭露你與神的關係
儲蓄理財,恩典夠用
從撒但之子到上帝之子
 
   鮮知啟示
 
教會的先知角色?
【古韻仍新】〈大家勇敢同齊腳步〉
重新活在滋養的關係中
 
   信仰與生活
 
經歷苦難後的喜樂
傳揚上帝的話語
那些伸出援手的人們
 
 
 教會歷史
 
達文西是天主教徒?
從黑夜到黎明的復活之夜
聖餐、記念與合一(下)
 
 
台灣基督長老教會總會 使用條款隱私權條款 聯絡我們


10647 台北市羅斯福路三段269巷3號 電話:02-23625282 Copyright © 2006- www.pct.org.tw All Rights Reserved.

powered by ICPCT. 台灣基督長老教會總會資訊中心 建置維護